Dear Noy Kulas,

Tawga lang ko sa ngan nga Jasper, usa ka bisexual ug tago ra akong gibati. Dili ko halata.Naa koy uyab pero tago ra sad mi

magkita,like friends ra. Happy mi magkuyog permi ug permi mi mag-away, sa chat ra pud. Nakaila na akong family niya kay murag halata na ko sa akong mga lihok. Mutuo ko sa panultion nga way aso nga makomkom.

Karon, akong mga barkada nakaila na niya ug nagka jam ra pud mi. Unfair sa akong part kay iyang kaila or family wala kaila

naku. Wala ko niya gipaila-ila. Naa diay siyay naka char char nga wa ko kahibawo. Pero niingon siya nako nga dili daw sila uyab, gidawat ra niya ang gi-offer niya. Katong nasakpan na nako siya, Noy, nisulti na siya sa tinuod. By the way, kini siya estudyante pa karon. Wa pa siyay trabaho ug nagpuyo nga independent.

Ang iyang girason nako nga mao daw kuno toy nag support niya sa katung nag OJT pa siya. Tighatag og allowance ginagmay. Ang iyang ka char char ni volunteer ra sad daw niya nga motabang. Pero blind kaayo ko. Dunay nahitabo nila kay murag ni-favor ang usa kay murag maikog sad siguro siya kay maoy nag support niya.

Kahibawo ko, Noy, gi-love sad ko niya. Unsay angay nakong buhaton kay dili sad ko ka let go niya kay love sad nako siya. Dili pwede nga duha mi. Angay ba naku siyang biyaan? Salamat kaayo. God bless and more power.

JASPER

Jasper,

Akong gi-assumer nga sama nimo bayot ang iyang karelasyon. But maikog sab siya kay nakagasto na niya ni, sama nimo. Given na man gyud na nga ingon niana ang relasyon sa third sex. Di ka man maka let go niya, anad anara na lang ang imong kinabuhi until nga madawat nimo ang tanan.

Naa koy amigo nga bisexual nga sama sab nimo og lovelife. Grabe pud siyang makaselos but kadugayan nadawat ra niya ang tanan. Karon, sila ang nagkadayon but toa na sila sa abroad namuyo diin mas accepted sila didto.

NOY KULAS