Atol mismo sa live selling ni Mariel Rodriguez-Padilla, nakita ang private part ni Senador Robin Padilla.

Ang live selling nahitabo niadtong Sabado, Septiyembre 23, samtang gi-promote sa duha ang food supplement nga pareho nilang gi-endorso.

Makita sa maong video nga gatimpla si Robin sa maong food supplement samtang iyaha kining giuyog-uyog aron masagol.

Aduna’y nahulog nga gisuwayan pagkuha ni Mariel apan matod ni Robin nga siya na lang ang mokuha niini.

Dihang miduko si Mariel, miaksiyon usab og duko si Robin ug nakita ang iyahang pagkalalaki. Nagsul-ob lang kini og thobe nga walay underwear. Ang thobe mao ang tawag sa robe sa mga Muslim.

Dali nga nag-viral sa social media ang maong video clip. Samtang dali usab nga nakatubag si Mariel dihang gikuhaan kini og reaksiyon sa PEP.ph.

“I find na hindi naman kailangan pag-usapan. So, hindi na kailangan mag-comment pa,” tubag ni Mariel sa pag-messenger sa PEP kaniya.

Wala pay reaksiyon si Robin mahitungod niini. /