Daw sangko sa langit ang pagbasol ni kanhi world champion Jack “El Kapitan” Tepora sa iyang pagsaway ug pagdaot sa laing Filipino prospect nga si Mark “Magnifico” Magsayo.

Sa iyang YouTube channel, si Tepora hugot nga nangayo og pasaylo ngadto ni Magsayo ug sa mga fans niini kalabot sa iyang mga birada ngadto sa kanhi sakop sa Ala Boxing Gym nga atoa na karon nagbasehan sa Estados ubos sa paggiya sa MP Promotions ni Manny Pacquiao.

“Yun nga naghingi tayo nang sorry ni Mark Magsayo. So di talaga bagay sa akin na mag angas, so yun nga. Napatawad na man tayo ni Mark Magsayo no,” matod ni Tepora kinsa adunay 23-1, 17 ka knockouts nga record.

Iyang gipasabot nga tuyo gyud diay niya nga ma-challenge si Magsayo sa iyang hagit aron iyang mapildi si Gary Russel Jr. sa higayon nga mahinayon ang ilang world title fight.

“Yun nga isa ko yung ginawa ko na titira ko siya parang magporsige talaga siya na ipamukha sa akin na kaya niyang talunin si Gary Russel Jr. So, kaso nga below the belt na yong pag tra trash talk ko eh.”

“Yan naghihingi ako nang sori kasi alam kong pangit yung nagawa ko eh. Pinagsisihan ko yung ginawa na sinabihan ko siyang bakla. At yung mga fans ni Magsayo, sori sa inyong lahat no, di na maulit yun,” dugang pasabot ni Tepora.

“Sana po suportahan nyo po ako. Bati na kami ni Mark Magsayo sana rin bati na tayo.”

Kon kahinumdoman, si Tepora, sa interview sa mga media, way lipod-lipod sa iyang birada ni Magsayo nga nigawas sa mga mantalaan ug sa social media sa uwahing bahin sa niaging buwan. Iyang giyagyag ang iyang hagit nga gustong makig-away kang Magsayo.

Laing rason kon nganong nakahimo si Tepora sa birada gumikan sa iyang giingon nga dili na kuno managad si Magsayo kaniya, sanglit dili na kini mo reply sa iyang mga messages sa social media.

“Katong dili pa siya champion, dili pa siya sikat kunohay... sa una sigi mig chat chat ana niya...kumusta.. pagkaron nakapuyo nag US mora man og nabag-ohan mag puyo sa US...di na managad unya human chatan di na mo reply,” ni Tepora pa. Si Magsayo, sa iyang bahin, yano ra usab nga midawat sa pasaylo ni Tepora.

Sa iyang FB account, mao kini ang gi-post ni Magsayo:

“Apology accepted Jhack El Kapitan Tepora lahat naman tayo nagkakamali, nagagawa lang yan para sa mga pamilya natin. Pare pareho lang tayo nagsisikap para sa pamilya magtulungan na lang para umasenso tayo. Subscribe natin ang Youtube nya guys para suporta sa kanya. (Philippine Flag emoji) #pinoytayo.”

Si Magsayo (23-0, 16KOs), bisan pa man sa mga negatibong reaksiyon, maisugon ug interesado kini nga moaway na alang sa world

title fight batok ni bisan kinsa nga ubos sa iyang timbang, lakip na niini ang beterano ug inila nga si Gary Russel Jr. (31-1, 18KOs).

Sa style pa lang daan, si Magsayo di kaagwanta og sinumbagay, magsigi lang og dagan. Feel nako makaigo lang ko ni Magsayo motalaw na na. Mao gihapon. Wa siyay hangin. Para nako dili pa siya world caliber.”

- Jack Tepora pa sa iyang unang birada.