Nakapiyong ko pag-ayo. Gipamatyag ko mga hapuhap ang ug kagilok hinol sa ni Lemuel sa lain-laing parte sa akong lawas. Ning higayona wa nay bisan gamay nga tabon ang tibuok kong lawas. Mao sab si Lemuel, hubo na sab siya.

Bisan basa ang among mga lawas apan namatngonan namo ang kainit sa among pagmahal sa usag usa diha sa dinagaang sa among lawas.

“Lem! Lem! Puwerteng giloka anang imong gibuhat nako.”

Nakalit-at na gyud ko ug nakagakos og hugot kaayo kang Lemuel dihang gibanus-banosan niyag hawok ang daw pasas nga tumoy sa duha nako ka dughan. Karon pa kini mahitabo. Never been kissed ug never been touched ko.

Si Lemuel ra ang nakahikap ug nakahawok nako.

Unya, ang kamot ni Lemuel dunay gihinul-hinol sa ubos sa akong puson. Sus! Nagkasalimuang ko. Morag nahutdan kog gininhawa. Wa gyud ko makasabot sa akong gibati kay nagkagrabe ang kainit sa tibuok kong lawas.

Nakalit-adlit-ad na gyud ko kay ang mga ngabil ni Lemuel mipaubos hangtod na ubos sa akong pus-on. “Lemuelll!” Uban sa kusog kong singgit, daw pug-on ko ang lawas ni Lemuel tungod sa kahugot nga paggakos ko niya. Naglimbag-limbag ko. Nagsigeg hawok si Lemuel sa ubos sa akong pus-on. Gusto kong labnuton ang buhok ni Lemuel tungod sa grabeng kahinam nga akong gibati. Unya…

“Siya na sab ang imong gihunahuna, no, Kristal?”

Nakalingi ko sa akong luyo. Tingog sa usa ka lalake nga nakaputol sa akong paghunahuna sa akong nangagi uban kang Lemuel dinhi sa busay. Dinhi sa waterfalls nga kabahin na sa among kinabuhi ni Lemuel.

Mitindog ko gikan sa gilingkoran kong nagtuybo nga bato sa daplin sa busay. Igo ko lang gipasiplatan si Rodrigo. Ug nagtan-aw na sab ko sa nag-ambak nga tubig nga gikahinaman namo kaniadto ni Lemuel. Apan karon, para nako, wa nay katahom ang nag-ambak nga tubig ug ang palibot ani. “Tua na siya sa laing babaye, Kristal. Di mo na siya magakos ug mahagkan.”

Gitan-aw kog dugay si Rodrigo nga morag nagpakiluoy nako.

(SUMPAYAN)