Gipangulohan ni Kevin Durant ang kadaugan sa Brooklyn Nets batok Chicago Bulls bisan pa sa pagmangtas ni Zach Lavine, 115-107.

Si Durant nipaarak og 21 puntos ug 8 assists uban sa balanse nga opensa sa Nets diin halos nipuntos og tag two digits ang iyang mga kauban.

Si Joe Harria nihipos og 17, samtang 15 puntos ug 10 rebounds ang giamot ni Bruce Brown kinsa nirehistro og duha ka sunodsunod nga kadaugan human sa upat sab ka sunodsunod nga kadaugan.

“That’s what we do every game,” matod ni Durant kansang team nipabaha og 32 ka assists sa ilang 42 ka field goals nga nagpakita sa ilang chemistry.

Ang kapildehan sa Chicago maoy nagputol sa ilang tulo ka sunodsunod nga kadaugan nga maoy posibilidad nga di na sila makasulod sa play-in.

Si Kyrie Irving igo lang nihipos og 13 puntos sanglit wa na siya makatiwas sa duwa gumikan sa samad sa iyang nawong nga naigo sa siko.