Gilihian og kadaugan ang panagparis sa Pinoy nga bilyarista nga silang Roberto Gomez ug Jeff De Luna human ilang gipatikang ang Fisher duo nga silang Kelly ug Allison s World Cup of Pool s Stadium MK, Milton Keyness sa England.

Ang Pinoy duo niiskor og 7-3 aron pakgangon ang labing banggiitan nga bilyaristang mga babaye sa Great Britain-B kinsa maoy bugtong tandem nga mga babaye sa maong torneyo.

Mas agresibo ang panagparis ni Gomez ug De Luna sanglit kon swertihon ang mga Pinoy, $250,000 kon P12.5 milyones ang premyo sa maong duwa nga gi-promote sa Matchroom Sport.

Sa pagsugod sa duwa, ang Pinoy duo adunay rate nga number 10 kalit nga nisutoy sa 5-1 lead batok sa Fishers’s duo sa scotch doubles, winner break format competiton aron sila makaabante aa second round.

Ilang posible nga makontra mao silang Billy Thorpe ug Skyler Woodward sa United States o ang panagparis nilang Justin Sajich ug Ivam Li sa Australia.

“The first match is always the tough one,” matod ni Gomez sa postmatch TV interview sa Sky Sports.

Ang Pilipinas nagtinguha nga molangkat sa ika-upat nga korona sa maong torneyo dii katapusang nasakmit sa mga Pinoy ang korona sa maong torneyo niadtong tuig 2006 pinaagi sa managkumpare nga silang Efren “Bata” Reyes ug Francisco “Django“Bustamante.

Ang maong torneyo nipakita na og mga upset sanglit ang inilog nga Austria kinsa maoy number one sa torneyo ug defending champion, gipilde sa Slovakia, 7-1 sa first round.

Nataktak na usab ang Spain (number 3) ug Poland (number 6).