MELQUIADITO MAAMBONG ALLEGO Dreamhome, Walker, Louisiana, U.S.A.

Ang kahayag adunay

tukmang kahulogan ug lunlong katahom sa

alampuanan sa bulhog nga kangitngit ang gatakdol nga bulan usa

ka bisitang dinapit uban ang dukirok

nga mga bituon kada butang adunay iyang

kaugalingong teritoryo kapuslanan o

kapaingnan kon wala ang parola kinsay

mananagat unsang bapor magpatuyang paglatagaw sa kapunawpunawan sa

kadagatan? Matag linalang adunay

giangkon gitakdang panahon dapit

ug gimbuhaton kansang waykinutobang

pailob magmugnag dihadihang

dadangatan!